تخيل معي .. عن القمح المصري

تخيل معي .. عن القمح المصري

مساحة الصحراء الغربية لمصر أكثر من 700 ألف كيلومتر مربع
أي ما يعادل أكثر من 173 مليون فدان
والصحراء الغربية صالحة في معظمها لزراعة القمح والشعير
والمياه الجوفية متوفره بكثره في هذه الصحراء بخلاف المطر وما يمكن ايصاله من النيل عن طريق توشكى والفيوم وغيرها
تخيل معي لو زرعنا 40% فقط من مساحة هذه الصحراء أي ما يعادل 70 مليون فدان
فدان القمح في مثل هذه الأراضي ينتج حوالي 20 أردب قمح بحد أدنى
أردب القمح يساوي 150 كيلوجرام
أي أن هذه الأرض يمكنها انتاج 210 مليون طن قمح .. تخيل
لو افترضنا أن الناتج هو 70% فقط من هذه القيمة نتيجة أي ظروف مثل المناخ أو سوء التخزين أو غيرها
يكون المتبقي هو 147 مليون طن قمح
استهلاك مصر من القمح مابين 11 و14 مليون طن ... قول 17 مليون يا سيدي
نزرع منها حالياً 6 مليون طن فقط ... بناقص .. مش حاندخلها في الحسبة خالص
الباقي يكون 130 مليون طن قمح فائض للتصدير .. يانهار نادي
سعر طن القمح حوالي 2000 دولار بحد أدنى ... كل حاجة أهوه بحد أدنى وبأسوأ تقدير
يكون دخل القمح من البيع يساوي 260 مليار دولار
ده غير الاكتفاء الذاتي وتشغيل ناس واستصلاح أرض ومنتجات تانية من الأرض باقي السنة الزراعية
ده مجرد حلم .. هل ممكن يتحول لحقيقة؟

طيب بلاش .. الأحلام البعيده دي .. تعالى نقول حلم أقرب شويه

استهلاك مصر من القمح 14 قول 17 مليون طن ... بنزرع منهم 6 يتبقى 11 مليون طن بنستوردهم بكام
11 في 2000 دولار يساوي 22 مليار دولار .. من جيوبنا وقوتنا وعرقنا يساوي تقريباً 131 مليار جنيه
يساوي أكتر من 1500 جنيه للفرد الواحد راجل وست وعيل بيرضع في السنة .. ويساوي 4 جنيه من كل نفر يومياً
طيب قلنا الفدان بينتج 3 طن ... يبقى محتاجين كام فدان نزرعهم؟ 3 مليون و666 فدان .. قول 4 مليون فدان ياسيدي
طيب ده يطلع كام من الصحرا الغربية ... تخيلوا يطلع كام ... 2.3% من مساحة الصحرا الغربية .. ياعم خليها 3%
بالذمة دول يطلعوا كتير؟ ... ده غير باقي الفوائد من الأرض دي اللي قلنا عليهم فوق
تعرفو ال3% دي شكلها ايه .. شكلها الساحل الشمالي كله من اسكندريه للسلوم .. بعمق 30 كيلومتر جنوباً .. فقط لا غير
أو نصف الطول ده بعمق 60 كيلومتر جنوباً
وبالمناسبة المنطقة دي صالحة 100% للقمح .. وبمياه المطر فقط لو حبينا .. والعرب فعلاً بيزرعوها في الميعاد ده قمح وشعير

وفي النهاية أقول لمن يديرون أمورنا... أليس منكم رجل رشيد .. ياولاد الكلب