قائمة الاخوان للمحافظين

توزيع السلطة في مصر الآن

عبدالحليم حافظ - ذكريات - أعجوبة موسيقيه وطنية

اغنية ذكريات 

عبد الحليم حافظ

اللي حايجنني .. ازاي الأغنية دي اتلحنت
دي كأن حد بيلحن الجرنال
اسمعوها وأقرؤا كلماتها وتأملوا الابداع
مع ملحوظة في نهاية الكلمات
ورابط لتحميل الأغنية بصوت نقي إم بي ثري
-----------------

رجعتنى الذكريات
للى فات من حكاية لحكايات
فكرتنى و افتكرت
و فخيالى هناك بعدت و اتخدت
فكرتنى بالطفولة و اللى كان وقت الطفولة
و افتكرت سنين بعيدة بعيدة مش سعيدة
و احنا فى مصر الجديدة
ده كان زمان
الجيران من كل جانب كانوا اكترهم اجانب
انجليز حالهم يغيظ
و العجايب كنت حاسس انى انا و اهلى الأجانب
ذكريات ذكريات
حتى اسماء الشوارع و المصانع كلها قدام عنيه اجنبية
ذكريات ذكريات
كنت تلميذ فى ابتدائى واصدقائى يوم كده جم فى شارع جنب بيتنا جم يطيروا طيارتنا اللى صنعنها بايدينا التقينا شلة من اولاد هناك انجليز من سننا
بيطيروا هما كمان طيارتهم زينا 
طيارتنا و طيارتهم مرت النسمة خدتهم شبكتهم عقدتهم وقعتهم
الولاد الخواجات بالضرب هات فينا ضربناهم برجلينا و ايدينا و انتهينا
فى البوليس راحوا اشتكنوا و جرجرونا و بهدلونا
التقينا فى قسمنا اللى اسمه عربى الشاويش راجل اوروبى انجليزى وش احمر قال هئ هئ
ايجبشيان هاو دير يو بيت ذم < مصريين كيف تجرؤا على ضربهم >
دونت يو نو ذم < ألا تعرفوهم > دول حماية 
حماية حماية حماية حماية حماية 
ابتدا قلبى الصغير يدّور عن جواب لسؤال يحير
احنا مين فى بلدنا ولا فين
التقيت رد السؤال الاحتلالالاحتلالالاحتلالالاحتلال
ظلم و ضلال ظلم و ضلال ظلم و ضلال ظلم ظلم 
و الذكريات للى فات رجعتى رجعتى و فكرتنى فكرتنى الذكريات الذكريات
انا شفت العلم البريطانى 
بيدنس نسمة اوطانى 
منظر حسرنى و بكانى 
خلانى كرهت اشوف تانى
و فى علمى داريت دمع هوانى
ازاى اوطانى الجبارة 
محكومة بقصر و بسفارة 
و لكل دخيل فيها ادارة 
و جيوش محتلة و مخمورة
تنهب فى بلدنا المأسورة
ازاى ازاى ازى
و ازاى فى اللد و فى الرملة كانت العمله مأساة كاملة استشهد اخويا فى اراضيها بين روابيها
و حبيبته خطيبتة منساش لوعتها و كلامها لصورتة
ازاى يا حبيبى ازاى غشوك
ازاى بسلاحك بايديك قتلوك قتلوك
ازاى ازاى ازاى ازاى ازاى ازاى
اسلحة فسدانة و خسرانة غشنا حكامنا و دسوها 
ليه ليه تاجروا فيها و قتلونا بيها ليه
ليه ليه ليه
و فى ليلة رهيبة و الريح بتصفر و تزوم
و لا باينه نجوم القاهرة الساحرة الساهرة
ازاى ازاى باتت في طوفان كلها دخان و لهب و نيران و صراخ و عذاب و خراب و دمار بتاكلها النار
النارالنارالنارالنارالنار
القاهرة الساحرة
القاهرة الساحرة
ازاى ازاى ازاى ازاى
و النيران النيران صبحت رماد و اللهب فى قلوبنا قاد رغم السكون كان الغضب الغضب بركان بيغلى بيغلى فى العيون كل العيون
و صحيت على ثورة بترج الدنيا
و لقيت اوطانى حكمها فى ايديا و جمال قدامى بينادى عليا
قوم قوم قوم ارفع راسك 
قوم قوم قوم و اشبع حرية 
كنت فى صمتك مرغم
كنت فى حبك مكره
والله زمان يا سلاحى الله اكبر
اشتقت لك فى كفاحى الله اكبر
انطق و قول انا صاحى
الله الله الله اكبر
بعد طول الذكريات و اللى فات من حكاية لحكايات
حسيت بطفولة اولادى و بقيت اتصور احفادى
بتغنى و بتنادى بكرامة و سلامة 
هنا وطن الحرية 
هنا حصن القومية القومية العربية
احرار فى بلدنا فى دنيتنا و لا فيش فى سمانا اللى رايتنا 
احرار و نحب الحرية لبلدنا و لكل الدنيا و لكل الامة العربية
يا بلادى يا بلادى يا بلادى
-----------------------

أحفادك يا حليم لا ينعموا لا بحرية ولا بقوميه ولا حتى وطنيه .. ومازلنا محتلين
لتحميل الأغنية بصوت نقي إم بي ثري اضغط على الرابط أدناه

http://www.4shared.com/mp3/yIyPpbR6/Abd_El_Halim_Zekrayat.html