المجد للشهداء
الجمعة، ٢ ديسمبر ٢٠١١
الخميس، ١ ديسمبر ٢٠١١
لمن يحاربون الفكرة بالفكرة ذاتها .. كلا .. هذه الانتخابات ليست هي الديموقراطية
أصعب شئ وأذكى شئ في نفس الوقت .. ان خصمك يحاربك بنفس فكرتك .. كما يتردد حالياً على لسان الكثير .. مش هيه دي الديموقراطية اللي انتوا عملتوا ثورة علشانها .. إرضوا بقى بالنتيجة واخرسوا
والرد بسيط وسهل .. بس ياعيني دم الشهدا والعيون اللي اتفقعت .. خلت الثوار منهكين ذهنياً ونفسياً وبدنياً .. ومش قادرين يردوا
وهو أن هذه ليست هي الديموقراطية .. ليست الانتخابات هي الديموقراطية .. بل هي بند واحد منها .. واذا لم يتوافر باقي البنود فلا ديموقراطية هنا
الديموقراطية .. اللي موجودة في كل الدول الديموقراطية .. وفي كل الكتب بتقول الآتي:
أولاً .. عمل دستور يتوافق ويتفق عليه جميع طوائف وفئات الشعب (أو من يمثلهم طبعاً) .. منظومة يعني .. وهو ينظم العلاقات والمسؤوليات بين المؤسسات التشريعية والتنفيذية، ويوجد التوازن بينها بحيث لا تستبد أحداها بأمور الدولة، ويضمن الدستور الحريات الأساسية للمواطن على أساس المسواة بين جمع الأشخاص والفئات والطبقات وبين المرأة والرجل
بعد كده يتم انشاء مؤسسات الدولة بحيث يتم عمل نظام واستقلال محكمة دستورية عليا ، تراعي تمشي القوانين مع الدستور . وترجع إليها الوزارة والبرلمان أو من يمسك بزمام الأمور في حالة الخلاف على قانون جديد من القوانين المدنية ثم استقلالية القضاء، وان يكون الجميع أمام القانون سواء، من الوزير إلى المواطن العادي ثم استقلالية الصحافة والاعلام، وتعددية وسائل الإعلام حتى لا تسيطر جهة على اعلام الجمهور .. عملاً بمبدأ فصل السلطات ومفهوم تجزيء الصلاحيات
اعلاء مبدأ سيادة القانون والامركزية وتداول السلطة سلمياً وتطبيق ده في منظومة الدستور ومؤسساتها .. قبل أي تطبيق عملي
بعد كده تيجي الانتخابات وحق التمثيل اللي هوه التطبيق العملي لحكم الأغلبية .. وبعدها حاجات تانية كتير .. زي النقابات والأحزاب وتنظيم عمل البوليس والجمعيات ... الخ
أما اللي حصل ده بقى .. فهوه العربه أمام الحصان ... فا محدش يجي يقوللي .. مش دي الديموقراطية اللي انت عايزها
لأ مش دي الديموقراطية اللي أنا عايزها .. اللي حصل كان منتهى الديكتاتوريه .. المجلس اعطى نفسه كل الصلاحيات للحكم .. ولم يكتفي بالاداره كما وعد وكما كان واجباً .. وضع قوانيين وتشريعات من دماغه .. دون مشاوره .. ودون ديموقراطية .. يبقى ازاي تبني حكم أغلبيه على قرارات ديكتاتوريه
ازاي يا ساده .. تقوللي ده حكم أغلبيه .. وصاحب الأمر ممسك بكل مقاليد البلاد .. جيش + وزاره + داخليه + لجنة انتخابات + قضاء + إعلام + صحافه + قوانين انتخاب + قوانين احزاب + ... الخ .. وترجع تقوللي ديموقراطيه .. ياخي ديهده
زي زمان ما كان بيقولنا .. اعملوا استفتاء على رئيس جمهوريه .. طيب ماهو الاستفتاء أحد أدوات الديموقراطيه .. بس ماسك هوه بأيده .. كل الأدوات .. يزور براحته بقى .. يأثر على الناس .. اعلام موجه .. إلخ إلخ .. وتطلع النتيجه 99.9% .. وفي الظاهر .. ديموقراطيه
بلاش تسفيه للأمور .. وحطوا الحصان قدام العربيه .. والا عمرها ما حتمشي .. لا للأمام .. ولا حتى للخلف
الاشتراك في:
الرسائل (Atom)