عزيزي المواطن يا ساكت وقاطم
ومحدد ثقافتك بسعر الطماطم
اذا كنت مش عارف سعادتك فين
فاحنا بنسأل سعادتك فين
واحنا نجيلك في رمشة عين
نقولك حقوقك ونفك الطلاسم
واذا كنت مش عايز تعرف وخوف
فسيب الناس اللي تعرف تشوف
وبتضحي بحياتها عشانك خروف
مقضيها واكل وشارب ونايم
مسمعش كلمة الثوره خراب
يا جاهل يا سلبي يا وش الغراب
هيا اللي رفعت راسك م التراب
وعرفت قيمتك الدنيا والعالم
وان كنت راجل وقد الكلام
ارجع وفوق وخليك تمام
وان كنت عيل وعيشتك حرام
قول للمدام تزود طماطم
-----------
عمر فتحي
نقلاً عن
Berlant Qabeel
ليست هناك تعليقات:
إرسال تعليق